تامر حسني يرد على سخرية أحمد آدم بالفيديو ، صرح الفنان تامر حسنى على صفحته الرسمية على انستجرام بشأن تصريحات الفنان أحمد آدم خلال برنامجه “آدم شو” الذي يعرض على قناة الحياة، بعدما سخر أحمد آدم من أعمال الفنان تامر حسنى ووصفها بالإسفاف.
وكتب الفنان تامر حسني منشور على حسابه الرسمي على موقع التواصل الإجتماعي “انستجرام” يقول فيه «استاذ أحمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس، وخليتهم يبيعوا مبادئهم وصداقتهم وأمانتهم لمجرد إن الناس تعرفهم أو تتكلم عليهم ولو ليوم واحد، ونسيوا إنه لا يصح إلا الصحيح عشان ده عدل ربنا».
رد تامر حسني على سخرية أحمد آدم
وكتب تامر أيضاً وأي أفاقين مع الوقت هتلاقيهم بيختفوا والمحترم الحقيقي هو اللي بيستمر، أصل لما نهتم ونرد على كل كداب، أمال اللي بيحبونا نعمل معاهم إيه، تابعوا قلوب الناس والمواقع اللي هتاخد كلام الاستاذ أحمد السلبي وينشروه وعلموا عليهم عشان تعرفوا حقيقتهم، شكرا أستاذ أحمد آدم لكلامك وأشادتك الحقيقية في حقي هي شهادة عظيمة من فنان محترم وكبير بفنه وأخلاقه».
حيث ظهر الفنان أحمد آدم في البرنامج الذي يقدمه على قناة الحياة ليسخر من الفنان تامر حسنى ومن أعماله وأشار خلال البرنامج قائلاً: كفاية كدا بقا ولا ايه طلع لنا شعر صدره وفضل يسبل للبنات ويقدم أغاني تعبانة ويعني إيه”أكثر حاجة بحبها فيكي” طيبة قلبك إسفاف وأفلامه وحشة جداً، وكمان هو اللي بيألف وبيخرج وكمان هوة اللي بيعمل الموسيقى التصويرية وكمان هو اللي بيقطع التذاكر و بيعمل حاجة وقال آدم أيضاً إنت لا تنفع مغني ولا كوميديان ولا أنت ايه بالظبط وكفاية عليك كدة.
اقرأ أيضاً:
- ياسمين عبد العزيز تفاجئ الجمهور بملامح صادمة.. هل خضعت لعملية تجميل؟
- من هي دينا صبحي؟.. رحيلها صدم الجمهور
- من هو محمد غندر وسبب وفاته المفاجئ؟
