ينتظر الجمهور بفارغ الصبر موعد عرض الحلقة 24 الرابعة و العشرون من مسلسل جزيرة غمام، حيث من المنتظر عرضها اليوم الاثنين الموافق 25 أبريل.
مسلسل جزيرة غمام الحلقة ٢٤
شاهدنا في الحلقة السابقة العديد من الاحداث المثيرة بعدما تم الكشف عن تاريخ شخصية «العايقة» وماضيها بعد إصابتها بطلقات الرصاص بتحريض من «خلدون».
تجلس العايقة مع الخالة هلالة وتسألها: «مقولتليش أنت العايقة ولا نوارة»، فترد «العايقة»: «أنا نوارة بس أما خلدون خدنى سماني العايقة».
تحاول هلالة معرفة سر العلاقة بين خلدون والعايقة، فتسألها: «وخلدون ده جوزك»، فترد العايقة: «لا بس رجلي»، فتظهر هلالة دهشتها وتستفسر عن معنى كلامها الغريب، لترد العايقة: «أنتم في جزيرة غمام علشان بيوت قديمة، وعندكم حاجات غيرنا مستغربين، كل واحدة في طرح البحر لها راجل، تشقا وتشتغل وتتعب علشانه، وكل الناس تبقى عارفة أنها تبع فلان، لكن هي تعشق مين، ترضي بمين، تروح لمين، دى حاجة تخصها هي».
تتفاجأ هلالة وتعبر عن استنكارها مما سمعته من العايقة: «أعوذ بالله، ربنا يسترها عليكي وعلينا، ربنا يحسن ختامنا وختامك»، فتسألها العايقة: «كرهتيني وقرفتي مني يا حاجة هلالة، علشان اللى عرفتيه عني»، فترد هلالة: «كل واحد ومكتوبه، بس اللي يعرف غير اللى ميعرفش، وأنت استجرت بينا، أنا والحاج عجمي عمدة الجزيرة، يعني مرضتيش، قلبك نضيف، وربنا أعلم باللي فى القلوب يا بنتي».
فتسألها هلالة مرة اخرى: «مقولتيش معرفتش حاجة عنك، قلبك فين»، فترد العايقة: «معرفاش ساعات بحس أني معنديش قلب»، فتسألها هلالة: «طب وعرفات»، فترد: «عرفات ده هايم وهايمان مع حاله مع نفسه، يشوفني قلبه يروح معايا، يشوف العيال الصغيرة قلبه يروح معاهم، يشوف البحر يقعد يتكلم معاه كأنه حبيبته، قلب عرفات فيه حب ومحبة من الأول، مش للعايقة ولا غيرها وأنا ما عارفة من كتر ما لعبت مع الدنيا ولعبت معايا، بقيت معرفاش أنا إيه، العايقة ولا نوارة، حية ولا ميتة، عاشقة ولا من غير قلب، طرح بحر، ولا مرة نفسها تبقى عليها القيمة زيك»، فترد عليها هلالة: «أنت حيرانة، وكلنا حيارى فى الدنيا».
